المتضررين بقوا عشرة في شقتين فقط.. أرجوك قبل ما تنام: واقعة مؤسفة حصلت النهاردة في منطقة شبرا بمحافظة القليوبية بعد فقدان أم وأطفالها الأربعة.. الأسرة كلها فارقت الحياة.. بسبب تسرب الغاز في الشقة وهم نايمين.. ودي تاني واقعة في أسبوع واحد بعد فقدان ٥ أطفال دفعة واحدة في المنوفية.. برضو بسبب الغاز.. العدد وصل ١٠.
عشر حالات فقدان من أسرتين في أسبوع واحد.. هل ده مش كفاية إننا ناخد بالنا ونسمع النصيحة ونسمع اللي يقولنا نصيحة لوجه الله.. في البيت سخان يتقفل.. في البيت بوتاجاز يتقفل.. في البيت دفاية تتقفل.. داخل تستحمي وهتشغل السخان شغله صح.. بخار كتير في الحمام ممنوع.. شباك مقفول وحضرتك في الحمام ممنوع.. سخان على درجة حرارة مرتفعة ممنوع.. دخلت تنام وعندك غاز في الشقة يبقى كل ليلة يكون عندك عادة ثابتة إنك تبص على كل محابس الغاز وتقفلها.
بالمناسبة دي هعيد كلام دكتورة ماريان ماهر.. علشان تحمي نفسك وأسرتك من خطر كبير ممكن يحصل من غير ما تحس بيه ولا تقدر تتصرف في وقته.
سبب الواقعة والمأساة اللي بقت بتحصل وأسر كاملة تتضرر.. مش في الغاز اللي بنشمّه، لكن السبب اسمه أول أكسيد الكربون، وده غاز مالوش لون ولا ريحة ولا بيكون فيه إنذار مسبق.. الغاز ده لما يطلع من سخان أو دفاية في مكان مقفول ما بيعملش إحساس بالضيق بالشكل اللي الناس متخيلاه لأنه بيمسك في الدم نفسه فيمنع الأكسجين يوصل للمخ والقلب فيحصل إجهاد شديد بدون ما تحس.. بدون ما تقاوم.. بدون ما تصحى من النوم.. انت للأسف ممكن تفقد وعيك بهدوء.. وده اللي حصل للخمس أطفال بتوع المنوفية والأم وأطفالها الأربعة في القليوبية.
لو في ريحة غاز دي مشكلة.. بس لسه في فرصة.. إنما الخطر الحقيقي في أول أكسيد الكربون اللي ملوش ريحة خالص يعني مفيش إنذار ولا إحساس.
دكتورة ماريان بتشرح: عايز تحمي نفسك اشتري جهاز كاشف أول أكسيد الكربون.. وده جهاز صغير صوته عالي جدا ممكن يصحّي البيت كله وهو نايم قبل ما الحالة تسوء.. والجهاز ده بيتركب على الحيطة وظيفته إنه يكشف اللي انت مستحيل تكشفه لا وانت صاحي ولا وانت نايم.. وأول ما نسبة الغاز ترتفع في الشقة الجهاز يعمل صوت عالي جدا.. والجهاز ده بيتباع في محلات الأجهزة أو الأدوات الكهربائية، وسعره بسيط.. ولما بحثت عنه موجود بسعر يبدأ من ٢٢٠ جنيه إلى ١٥٠٠ جنيه.
لو رفضت تشتري الجهاز.. وبتقفل كل حاجة قبل ما تنام.. كلنا بنسمع بشكل متكرر عن حالات طارئة بتحصل بسبب مشاكل التهوية وقت الاستحمام أو غيره.. علشان كدة طبيا بينصحوا: إنك لو حسيت بالأعراض دي اخرج من الحمام فورا فورا. لو حسيت بصداع مفاجيء وبداية ضيق.. اخرج فورا.. حسيت بزغللة ودوخة ده معناه إن المخ بدأ يقلّ عنه الأكسجين.. حسيت بغثيان إنك عايز ترجّع بدون مبرر.. ده مش مشكلة في المعدة ولا حاجة.. ده مؤشر إن الهواء مش مناسب.. أما لو حسيت بقى إن رجليك مش شايلاك فانت على وشك تعب شديد.. فورا تخرج من الحمام.
أرجوكم اسمعوا الكلام وانشروا النصيحة قبل ما تناموا أو تاخدوا دُش سُخن.. لما يكون في إيدك تحمي نفسك وتحمي غيرك متتأخرش لحظة سجل الذهب في المعاملات الفورية، اليوم السبت قيمة 3390 دولارا للأونصة. وقد تراجعت أسعار الذهب خلال الأسبوع المنقضي، مسجلة أول خسارة أسبوعية لها منذ نحو الشهر، في هبوط مفاجئ رغم تصاعد التوترات الجيوسياسية في الشرق الأوسط، والتي تعد عادة عاملا داعما للطلب على المعدن الأصفر كملاذ آمن في أوقات الأزمات.
وتراجع الذهب إلى ما دون مستوى 3400 دولار للأوقية، ليستمر بعد ذلك في مسار هبوطي تدريجي دون تراجعات حادة، حتى لامس مستوى قرب 3384 دولارا، وفقا لبيانات منصة «ماركت ووتش»، وتأتي هذه الخسارة الأسبوعية رغم أجواء الترقب والقلق المسيطرة على الأسواق العالمية، وسط احتمالات متزايدة لتوسع دائرة الحرب في الشرق الأوسط، وهو ما كان من المتوقع أن يدفع المستثمرين إلى زيادة مراكزهم في الذهب.