بعد مانزلت فوايد النشا المقاوم🤔 وانك تقدر تقلل امتصاص النشويات الموجوده في الاكل بحفظها في التلاجه بعد الطهي.. اتبعتلي كذا فيديو بيقولك: ❌ إوعى تاكل رز بايت ❌ ارميه فورًا ❌ مليان سموم وزرنيخ طب ممكن نهدى شوية ونفهم العلم قبل ما نرمي الأكل 🧐 أيوة… الرز ممكن يبقى عليه بكتيريا اسمها Bacillus cereus بس خد بالك 👀 البكتيريا دي وهي الرز ني أو لسه مطبوخ بتبقى خاملة ومش مؤذية المصيبة بتيجي إمتى؟ 👉 لما تسيب حلة الرز ساعتين–تلاتة اربعه بره التلاجة
ساعتها البكتيريا تصحى 😄 وتبدأ تتكاثر وتطلع سموم والسموم دي ❌ مش بتتكسر بالتسخين( لانها تعتبر سموم بكتيريه مقاومه للحراره) والنتيجة؟ 🤢 قئ 🚽 إسهال وخطر أكتر على الأطفال والحوامل يعني نرمي الرز البايت؟ لأ ❌ لو طبخت الرز وأكلتوا منه: ✔️ دخل الباقي التلاجة فورًا ✔️ مفيش مشكلة يتسخن مرة و2 و3 ✔️ وتاكله عادي جدًا سواء صيف أو شتا والغلط الكبير إننا نقول: “الدنيا برد مش محتاج تلاجة” الكلام ده غلط وخطير ⚠️
المفاجأة بقى 😎 الرز البايت مش شيطان… ده بالعكس 👇 🍚 فيه نشا مقاوم أكتر وده يخليه: صديق للجهاز الهضمي مناسب لمرضى السكر أحسن في الدايت لان النشا المقاوم: ✔️ بيغذي البكتيريا النافعة ✔️ بطيء ف الهضم ✔️ مش بيرفع السكر فجأة ✔️ يشبعك أسرع يعني الرز البايت = ممكن يكون مفيد جدا طب والزرنيخ بقا ياعم الدكتور انت عايز تموتنا؟! ☠️ هنا بقى التخويف الحقيقي اللي محتاج تصحيح 👇 ✅ مبدئيا كده الرز المصري
امتصاصه للزرنيخ ضعيف جدًا ومفيش قلق حقيقي ❌ المشكلة تظهر شويه في الأرز طويل الحبة اللي جاي من جنوب شرق آسيا زي: البسمتي كده ⭕لأن حبة الرز نفسها بتمتص المعادن الثقيلة ⭕ومنها الزرنيخ الموجود في التربة والزرنيخ عنصر تقيل ⭕ولو دخل الجسم بكثرة ليه أضرار أكيد ( لكن خلي بالكم ده يحصل لو كل يوم بتاكل ارز يعني) ⭕بس برضه هقولكم حل بسيط🙄 ✔️ انقع الرز فترة كويسة( اعتقد كلنا بنعمل كده) ✔️و نغسله كويس
⭕ده يقلل نسبة الزرنيخ بشكل كبير جدًا 👌 يعني من الاخر الرز البايت لاهو مسرطن ولا متزرنخ الخطر في سوء التخزين مش في الرز ولا دخوله التلاجه انا قولت للمعلومه الصح اقولكم ❤️ لاني في الله بحبكم دمتم بصحة وسعادة يارب لاتنسى الصلاة على رسول الله ♥ #